Два автобуси на српскиот меѓуградски транспорт се судрија рано утринава на патот во близина на Белград, oбјави српски Блиц.
Две лица го загубија животот во сообраќајната несреќа што утрово се случи кај Умка, а според последните информации, 56 луѓе се повредени.
Според неофицијални информации, судирот на двата меѓуградски автобуси се случил околу 6.20 часот на Обреновачкиот пат, меѓу Умка и Остружница.
Второто основно јавно обвинителство во Белград соопшти дека му одредило притвор на возачот на автобусот на „Шевиќ турс“, Г. З., поради постоење основи на сомнение за сторено кривично дело – тешко дело против безбедноста на јавниот превоз.
На социјалните мрежи се појавија и снимки од инцидентот.
