Диого Жота почина!

Диого Жота, 28-годишен португалски фудбалер и член на англискиот клуб Ливерпул, трагично загина утрово во сообраќајна несреќа во шпанската покраина Замора.

Несреќата се случила на автопатот А-52 во близина на Санабрија. Автомобилот во кој патувале Жота и неговиот помлад брат Андре, кој исто така игра професионален фудбал за португалскиот клуб Пенафиел, се лизнал од патот и брзо се запалил.

Очевидци кои ги повикале службите за итни случаи изјавиле дека возилото веќе било зафатено од пламен кога пристигнале, а пожарот се проширил на околната вегетација.

- Advertisement -

Диого Жота стана дел од Ливерпул во 2020 година, откако пристигна од Вулверхемптон за речиси 45 милиони евра. За време на неговата кариера во црвениот дрес, одиграл 182 натпревари, постигнал 65 гола и запишал 26 асистенции. Во тој период, тој му помогна на клубот да освои три големи трофеи: Премиер лигата во сезоната 2024/25 и ФА и Лига куповите во сезоната 2021/22.