ЏЕНИФЕР АНИСТОН ГО ПРОСЛАВУВА ПРВИОТ БОЖИЌ СО НОВИОТ ПАРТНЕР

Топ Вести - Слушај сега

Џенифер Анистон зрачи со вистинска празнична радост додека го прославува првиот Божиќ со своето ново момче, хипнотерапевтот Џим Кертис, пишува Дејли Мејл.

- Advertisement -

56-годишната актерка им дозволи на обожавателите да ѕирнат во нивниот живот и за овие празници, откако го поминаа заедно и Денот на благодарноста.

Сега Анистон ги почести обожавателите со интимни божиќни фотографии од нејзиниот дом во Холивуд – вклучувајќи и сладок момент во кој Џим држи бебе, насмеан од уво до уво.

На друга фотографија, актерката се опушта со едно од своите кучиња наспроти прекрасното зајдисонце на нејзината тераса, а на една поопуштена фотографија, се гледа како Џенифер дреме со маска за очи во нејзината пријатна, малку неуредна дневна соба.

– Ви ја испраќам СЕТА љубов, среќни празници! – напиша таа покрај објавата.

Анистон ја официјализираше врската откако на Инстаграм стави заедничка црно-бела фотографија со Џим на почетокот на ноември, на која го прегрнува одзади и напиша: Среќен роденден, љубов моја.

Холивудската ветеранка и нејзиниот 50-годишен дечко првпат се поврзаа во јули, кога беа забележани на јахта во Мајорка, Шпанија, заедно со актерот Џејсон Бејтман, неговата сопруга и пријатели

– Тие прават сè заедно, секогаш се заедно и ако мора да бидат подалеку еден од друг, цело време се на телефон. Тие се толку згодни и енергични, што е лудо – изјави извор за Дејли Меил во август.

Извор за „Пипл“ изјавил дека Џим целосно го трансформирал животот на Џенифер.

– Тој внесе навистина стабилна и позитивна енергија во нејзиниот живот.

Инсајдерот додаде дека Џим е „фасциниран од нејзината кариера – и како актерка и како бизнисменка – и сака да биде покрај неа за да ја поддржува.“

Анистон беше во брак со Бред Пит (61), од 2000 година до нивната разделба во 2005 година, потоа следуваше нејзиниот брак од 2011 до 2017 година со Џастин Теру (54), а имаше и значајни романси со актери како Винс Вон (53) и Пол Рад (55).

Тие искуства, велат изворите, ѝ помогнале на Џенифер да развие појасна претстава за тоа што сака во љубовта – некој стабилен, топол и длабоко поддржувачки партнер, квалитети што ги пронашла во Џим.

Кертис – кој оди со бастун поради лезии на ‘рбетниот мозок – е неразделен од актерката откако се запознале претходно оваа година.

Во срдечно писмо до своите следбеници, Кертис се осврна на повторното наоѓање љубов.

– Повторно ја пронајдов љубовта, но дури откако научив како да се усогласам со љубовта одвнатре – напиша тој.

– Не толку одамна, бев на многу поинакво место отколку што сум денес. Бев во болка, физички и емоционално. Нездравата врска ме остави скршен и ја доведував во прашање мојата вредност.
Можеби и вие сте биле таму – оние ноќи кога вознемиреноста и стравот ве држат будни, кога не можете да престанете да размислувате или кога се будите наутро со страв. Се чувствував осамен, заглавен и несигурен за тоа што може да донесе иднината.

Понатаму опиша како хипнотерапијата му помогнала да се излечи и да ја врати самодовербата: „Ја репрограмирав мојата потсвест, што ми даде самодоверба за која дури и не знаев дека ја имам. Се откажав од верувањето дека сум скршен и повторно почнав да се чувствувам цел.

– Ако јас можев да ја создадам таа трансформација од каде што бев, можете и вие. И ќе ве водам на секој чекор од патот.

Кертис, исто така, сподели фотографии од нивните три кучиња, на кои се лабрадорот на Анистон, Лорд Честерфилд, и шнауцерот Клајд, заедно со неговото спасено куче Оди, кое го нарече „најслаткото куче на светот“.

Се вели дека двојката се поврзала преку нивната заедничка љубов кон животните.