Десетици се повредени, а пилотот и копилот на авион на „Ер Канада“ загинаа во несреќата на еден од најпрометните аеродроми во САД

Десетици се повредени, а пилотот и копилот на авион на „Ер Канада“ загинаа во несреќата на еден од најпрометните аеродроми во САД. Ен-Би-Си Њуз ги објави загинатите. Противпожарно возило управувано од полицајци удри во авион на „Ер Канада“.

Наредникот и полицаецот кои управувале се со скршени екстремитети и се во стабилна состојба во болница.

Авионот „Ер Канада експрес CRJ-900“, управуван од нивниот партнер „Џез авејшн“, превезувал 72 патници и четири члена на екипажот од Монтреал. „Џез“ е во сопственост на „Чорус авејшн“.

- Advertisement -

Авионот го удрил противпожарното возило со брзина од 39 км/ч, според веб-страницата за следење на летови Флајтрадар24, која ги снимила податоците.

Во моментот на несреќата возилото било на повик, соопшти пристаништната управа на Њујорк и Њу Џерси.

Фотографиите направени од Ројтерс по несреќата покажаа видлива штета на предниот дел од авионот, кој бил навален нагоре.

„Ла Гвардија“ опслужила повеќе од 30 милиони патници во 2025 година, според Пристанишната управа на Њујорк и Њу Џерси, а аеродромот го опслужуваат широк спектар на американски авиокомпании.