Даночната контрола на Охрид Трчат мора да оди до крај!Јавноста очекува УЈП да ја спроведе оваа контрола темелно и без компромиси, без оглед каде ќе ја одведе истрагата

Даночните инспектори од Управата за јавни приходи на РСМ, кои веќе започнаа контрола на работењето на невладината организација Охрид Трчат, имаат законска должност да ја прошират својата истрага на поширок круг на поврзани субјекти. Не е доволно да се прегледа само тековното работење на Охрид Трчат – потребна е темелна анализа која ќе опфати повеќе аспекти на оваа сложена финансиска мрежа.

Првенствено, даночните инспектори се должни да побараат контролата да се прошири и на Фестивалот за водени спортови Охрид, организација со очигледна поврзаност во сопственичката структура. Покрај тоа, неопходно е да се прегледаат и сите останати правни субјекти каде како основачи се појавуваат истите лица од сопственичката структура на Охрид Трчат.

За да се добие целосна и вистинска слика за финансиското работење на овие организации, инспекторите мора да извршат и контрола на спонзорите кои ги поддржувале двете манифестации. Меѓу компаниите што треба да бидат предмет на проверка се: Eurofarm, Total TV, Бако, Jamioson Supplements, Kostal, Кармен Бау Центар, Леарница ЛТХ, Македонско пиво, Синалко, Стопанска банка АД Скопје, Imlek Protein, како и други донатори и спонзори.

- Advertisement -

Клучното прашање на кое мора да се добие одговор е начинот на кој се вршеле овие финансиски трансакции. Дали донациите биле процесирани преку официјални канали и посебни наменски сметки? Дали биле уредно книжени под соодветни ставки за приходи? Или постои можност дека некои од трансакциите се одвивале по неформален пат, по систем „кеш на рака”, избегнувајќи го даночниот систем?

Само со ваква сеопфатна контрола што ќе ги опфати сите вклучени страни – и примателите и давателите на средства – може да се утврди вистинската финансиска состојба и да се разјасни дали имало неправилности во работењето на овие организации. Јавноста очекува УЈП да ја спроведе оваа контрола темелно и без компромиси, без оглед каде ќе ја одведе истрагата.

С.Денесовски