Бројот на заболени е за 15% помал од минатата недела

Во текот на 9-та недела од 2025 година, односно периодот од 24 февруари до 02 март, пријавени се 2.569 случаи на групни пријави за заболени од грип/заболувања слични на грип, а тоа е за 15,4% помалку во споредба со претходната недела, информираше денеска директорката на Институтот за јавно здравје, Марија Андоновска.

Таа додаде дека бројот на пријавени лица оваа недела споредено со 9-та недела од минатата сезона е
зголемен за 4 пати, а во споредба со бројот за 9-та недела од типичната епидемиска крива зголемен е за 38,4%.

Во однос на возрасната дистрибуција, посочи Андоновска, 1.465 лица се на возраст од 15-64 години, 550 кај деца на возраст од 5-14 години, 297 се регистрирани кај деца на возраст од 0-4 години и 257 кај лица на возраст над 65 години.

- Advertisement -

– Највисока инциденца се регистрира кај децата на возраст од 0-4 години, а кај децата од 5-14 години инциденцата изнесува 256,0/100.00. Заболените се пријавени од 28 ЦЈЗ/ПЕ, Скопје – 515, Битола – 236, Куманово – 203, Струмица – 166, Гостивар – 141, Тетово – 137, Штип – 137, Велес – 135, Кавадарци – 127, Свети Николе – 125, а во останатите, бројот на заболени е помал или еднаков на 100. Во текот на оваа недела, во 2 извештајни единици се регистрира многу ниска, во 6 – сезонска, во 12 – средна, во 5 – висока, а во 3 (Дебар, Кратово и Свети Николе) – многу висока активност на вирусот на грип – рече Андоновска