Бензините од ноќеска на полноќ поскапуваат за 1,5 денари, а цената на дизел горивата се зголемува за еден денар по литар, одлучи Регулаторната комисија за енергетика (РКЕ).
Новата малопродажна цена на бензинот од типот „еуросупер- 95“ ќе изнесува 76,5 денари за литар, бензинот од 98 октани ќе се продава за 79, дизелот за 69, а маслото за горење (ЕЛ-1) за 69 денари по литар.
За 0,95 денари за килограм се зголемува и малопродажната цена на Мазутот М-1 и ќе изнесува 41,705 денари.
Новите цени во просек се повисоки за 1,84% во однос на претходната одлука на Регулаторната комисија за енергетика.
