Американско бизнис списание CEOWorld ја стави земјава пред три скандинавски земји на листата Најдобри земји во светот за пензионирање за 2025 година

Американско бизнис списание CEOWorld ја стави земјава пред три скандинавски земји на листата Најдобри земји во светот за пензионирање за 2025 година.

Анкетното истражување во кое се опфатени 80 земји е спроведено во јануари и во март годинава со 126.000 испитаници.

Македонија се најде на 56 место со 46,22 поени од можни 100.

- Advertisement -

Зад неа се Данска (57 место), Холандија (58), Летонија (62), Унгарија (66.), Норвешка (67), Романија (68), Финска (72), Словачка (73).

Од земјите во регионот Словенија е на 11 место, Грција е 20, Бугарија (36), Црна Гора (41), а Хрватска е на 55 место.

На врвот на рангирањето е Нов Зеланд со 71,78 поени, познат по своите прекрасни природни пејзажи, висок квалитет на живот и гостопримливи заедници. Оваа земја им нуди на пензионерите совршена мешавина од авантура на отворено и спокојство.

На второто место, Луксембург се издвојува по својата робусна економија, одличен здравствен систем и повеќејазична култура. Тоа е привлечна опција за оние кои бараат мирна и безбедна средина. Веднаш по него, на третото место е Швајцарија, позната по своите прекрасни планински пејзажи, исклучителен квалитет на живот и неспоредливи јавни услуги, што ја прави врвен избор за пензионери кои бараат луксуз и удобност.

На четвртото место е Канада, пофалена за нејзиното инклузивно општество, разновидни градови и прекрасна природна околина. Таа е совршено решение за пензионерите кои ценат мешавина од урбани погодности и активности на отворено.

Австралија, на петтото место, им нуди на пензионерите жив начин на живот, сончева клима и пријателски заедници, заедно со богати културни искуства.

Во топ-10 се уште Канада, Австралија, Шпанија, Португалија, Малта, Франција и Тајланд.

Истражувачите ги анализирале земјите во 11 категории за да го утврдат рангирањето: емигрантска заедница, можноста да се разбереш на англиски јазик, здравствена заштита, трошоци за живот, достапност, прифатливост на даноците, пријатна клима, леснотија на купување и поседување имот, барања за виза и престој, стабилност на владата и леснотија на асимилирање.