Американскиот Стејт департмент подготвил планови за затворање на десетина конзулати до почетокот на летото главно во Западна Европа, и се обидува да ја намали својата работна сила на глобално ниво, изјавија вчера неколку американски претставници. јави Њујорк Тајмс.
Стејт департментот разгледува опции да затвори и дополнителен број мисии, пишува весникот. Меѓу десетината конзулати што ќе бидат затворени, главно ќе бидат затворени оние во Западна Европа, според тројца официјални претставници запознаени со меморандумот што кружи во Стејт департментот, се додава во извештајот.
Стејт департментот, исто така, размислува за потенцијално спојување на голем број свои специјализирани канцеларии во неговото седиште во Вашингтон, кои работат во области како што се човековите права, бегалците, глобалната кривична правда, женските прашања и напорите за борба против трговијата со луѓе, рекоа официјални лица.
Лајпциг, Хамбург и Дизелдорф во Германија, Бордо, Рен, Лион и Стразбур во Франција и Фиренца во Италија се на списокот на помали конзулати за кои Стејт департментот размислува да ги затвори, изјавија тројца официјални лица за Ројтерс, додавајќи дека тоа сепак може да се промени.
Списокот ги вклучува и американските конзулати во Бело Хоризонте, Бразил и Понта Делгада, Португалија.
Официјални лица рекоа дека Стејт департментот го известил Конгресот пред 5 дена дека планира да ја затвори мисијата во југоисточниот турски град Газиантеп, локација од која Вашингтон ја поддржува хуманитарната работа во северна Сирија.
Критичарите на овие потези на Трамп велат дека потенцијалните намалувања на дипломатскиот отпечаток на Америка, заедно со распуштањето на Американската агенција за меѓународен развој, која обезбеди помош од милијарди долари на глобално ниво, ризикуваат да го поткопаат американското лидерство и да остават опасен вакуум што би можел да го пополнат противниците како Кина и Русија, но Трамп и Маск тврдат дека американската влада е преголема и дека помошта финансирана од американските даноци била трошена од данок.
Изгледите за големи намалувања на бројот на вработени веќе предизвикаа загриженост во ЦИА. Мнозинство тајни американски разузнавачи работат надвор од амбасадите и конзулатите, претставувајќи се како дипломати, а затворањето на дипломатски места ќе ги намали опциите на ЦИА за тоа каде да ги позиционира своите шпиони, наведува Њујорк тајмс.
Околу 700 вработени – од кои 450 дипломати со долгогодишно искуство – поднеле документи за напуштање на работата во првите два месеца од оваа година, рече претставник од Стејт департментот. Тоа е неверојатна стапка: пред 2025 година, околу 800 луѓе даваа оставки во текот на цела година
