Американскиот државен секретар Марко Рубио планира посета на држави од Западен Балкан

Американскиот државен секретар Марко Рубио планира посета на држави од Западен Балкан, јавија црногорските медиуми пренесувајќи соопштение од средба на министерот за надворешни работи Ервин Ибрахимовиќ кој вчера имал средба со Рубио во Брисел.

Средбата била во првиот ден од министерскиот состанок на НАТО. За време на „кратката, значајна средба“, двајцата размениле мислења за актуелните билатерални и регионални прашања.

„Во разговор со Ибрахимовиќ, Рубио најави дека планира посета на Западен Балкан, при што ќе ја посети и Црна Гора“, се наведува во соопштението на МНР на Црна Гора.

- Advertisement -

Ибрахимовиќ ја истакнал важноста од континуиран дијалог и партнерство меѓу Црна Гора и САД, особено во контекст на заедничките безбедносни предизвици.