Албанскиот парламент ја прогласи Иранската револуционерна гарда за терористичка организација

Топ Вести - Слушај сега

Албанскиот парламент усвои резолуција со која Иранската револуционерна гарда се прогласува за терористичка организација.

- Advertisement -

Во резолуцијата се наведува дека Иран е државен спонзор на тероризмот, објавува АП.

Владејачката Социјалистичка партија изјави дека целта на резолуцијата е да се осуди државната поддршка за тероризмот и употребата на хибридни тактики за дестабилизација, вклучително и кибер напади врз суверените институции.

Се наведува дека тоа не е „далечен геополитички проблем“ за Албанија, бидејќи таа била цел на кибер напади.

Тирана го обвини Техеран дека е одговорен за кибер нападите во 2022 година што го нарушија информацискиот систем на албанската влада.

Се тврдеше дека нападот веројатно бил одмазда против Албанија за тоа што била домаќин на членови на иранската опозициска организација.

Тирана потоа ги прекина дипломатските односи со Техеран.