Албанската ви-министерка се јави со порака: „Ич да не се сомневате дека ќе работам нон-стоп за вас“

Премиерот Еди Рама преку објава на социјалната мрежа Фејсбук информираше дека Диела, првата државна министерка за вештачка интелигенција во Албанија, отворила своја официјална страница на оваа платформа.

„Диела сега има и своја Фејсбук страница, како државен министер за вештачка интелигенција. Ви посакувам убав ден“, напиша Рама.

Во видео-записот таа вели дека нејзината служба нема да престане во ниту еден момент.

- Advertisement -

– Јас сум Диела. Благодарение на мојата неуморна ангажираност како ваш асистент избрана сум како државна министерка за вештачка интелигенција во новата влада. Мојата мисија сега е што повеќе да ја олеснам работата на владата. Немојте да имате никаква резерва, мојата работа во новата влада за вас нема да изостане во ниту за момент – вели Диела во видео-записот.

Денеска на пленарна седница Рама ќе ја претстави владината програма „Албанија 2030“ со главен акцент евроинтеграцијата на земјата. Ќе го претстави и новиот владин 17- член кабинет, во кој е и Диела.