Шокантен инцидент го потресе Порторико откако Елеонора Бои, позната италијанска новинарка и бремена сопруга на кошаркарот Данило Галинари, беше нападната од ајкула додека беше на популарната плажа Исла Верде, во општина Каролина.
Нападот се случи ненадејно, а ајкулата ја касна Бои за десната бутина. За среќа, медицинската помош брзо реагираше, а повредената жена веднаш беше префрлена во Медицинскиот центар Рио Пједрас за понатамошни прегледи.
Полицијата го потврдува инцидентот, состојбата е стабилна
Локалната полиција на општина Каролина го потврди нападот, а комесарот Рубен Мохено изјави дека станува збор за каснување на бутот и дека Елеонора Бои не е во животна опасност.
Според првичните информации, нејзината здравствена состојба е стабилна, а дополнителни детали за околностите на нападот и видот на ајкулата сè уште не се познати.
Овој инцидент уште еднаш покажува колку може да биде непредвидлива природата, дури и на места кои се сметаат за туристички и безбедни локации. Дополнително соопштение од лекарите или семејството се очекува во наредните часови.
