Адријана Лима на својот профил на Инстаграм откри дека станала жртва на измама, предупредувајќи ги сите да не наседнуваат на тоа

Светскиот топмодел Адријана Лима на својот профил на Инстаграм откри дека станала жртва на измама, предупредувајќи ги сите да не наседнуваат на тоа.

Според нејзината објава, некој се претставува како неа на социјалната мрежа ТикТок и бара од луѓето пари.

- Advertisement -

Во објава на Инстаграм, Лима објасни дека измамник го користи нејзиното име за да измами обожаватели, нудејќи им подароци, а потоа барајќи пари, податоци за кредитни картички и домашни адреси.

„Ве молам, бидете внимателни и не споделувајте лични или финансиски информации. Јас не контактирам со обожавателите за да им нудам подароци или да барам исплати“, напиша Лима.

На крајот, таа додаде дека секој што ќе наиде на гореспоменатиот профил веднаш да ја пријави измамата.