Американскиот државен секретар Марко Рубио денеска најави дека ќе бидат укинати 83 отсто од програмите на агенцијата за развој на УСАИД.
„По шест недели разгледување, официјално намалуваме 83 отсто од програмите на УСАИД“, напиша Рубио на платформата Х, наведувајќи „десетици милијарди долари“ непотребни трошоци, без да наведе поконкретни бројки.
Рубио додаде дека во договор со Конгресот, САД сакаат 18 отсто од програмите што беа задржани (околу 1.000) сега да бидат поефикасно управувани од Стејт департментот.
Стејт департментот, кој го надгледува УСАИД, на 26 февруари објави дека има намера да намали 92 отсто од финансирањето на програмата на агенцијата, со што ќе заштеди 54 милијарди долари.
Претседателот Доналд Трамп потпиша извршна наредба по неговото враќање во Белата куќа на 20 јануари, со која се наредува замрзнување на американската странска помош за 90 дена.
Во тој период се планира целосен преглед за да се оцени дали работата на оваа и другите агенции е усогласена со планираните политики на Трамп.
Одлуката предизвика незадоволство во хуманитарните кругови и во УСАИД.
