Америка ќе обезбеди дополнителни 25 милиони долари помош за Украина, пишува Kyiv Independent. Одговорната американска агенција УСАИД соопшти дека средствата се наменети да им помогнат на Украинците да ја преживеат тешката зима.
07:02 Русија му испрати на Иран 140 милиони евра во готовина и избор на британско и американско оружје од војната во Украина во замена за смртоносни дронови, пишува Sky News.
07:00 Гувернерот на регионот Суми, Дмитро Живицки, на Телеграм објави дека руските сили ги гранатирале населбите Краснопилија, Билопилија, Зноб-Новхородске, Велика Писаривка и Миропилија. Нема детали за можните жртви.
06:55 За прв пат откако Москва испрати сили во Украина, Русија и САД разговараат за преговори за стратешко нуклеарно оружје, објави во вторникот рускиот весник Комерсант, а оваа информација подоцна ја потврди и Стејт департментот. Разговорите би можеле да се одржат на Блискиот Исток, додавајќи дека Москва повеќе не ја гледа Швајцарија, традиционалното место на одржување, како доволно неутрална откако воведе санкции кон Русија поради Украина.
06:45 Институтот за воени студии (ISW) објави дека Иран планира дополнително да ја продлабочи соработката со Русија. Во најновиот извештај тие наведуваат дека претседателот на рускиот Совет за безбедност, Николај Патрушев, еден од најмоќните соработници на рускиот претседател Владимир Путин, пристигнал во Иран каде најверојатно ќе договори снабдување на руските сили со ирански балистички ракети. .
ISW наведува дека јавното соопштение на Иран за пристигнувањето на Патрушев во Иран има за цел имплицитно да нагласи дека висок руски функционер му се обратил на Иран за помош во војната во Украина.
