Најмалку 10 лица се ранети во пукотница што се случи во понеделникот попладне во Лејкленд, Флорида, соопшти полицијата, цитирана од Си-Би-Ес Њуз.Началникот на полицијата во Лејкленд, Сем Тејлор изјави дека се трага по напаѓачите и дека постои сомневање дека нападот не бил случаен.
Тејлор објави дека две лица се во критична состојба. Едниот е на операција, а другиот или на операција или на пат кон болница, во моментот на прес-конференцијата. Лицата кои беа тешко повредени се застрелани во стомакот и вилицата, изјави началникот на полицијата, пренесува Си-Би-Ес Њуз.
Останатите осум лица се здобиле со повреди кои не се опасни по живот, додаде тој. Еден од нив се здобил со рана од рикошет куршум, вели тој.
Сите ранети се возрасни мажи на возраст меѓу 20 и 35 години, прецизира Тејлор.
„Никогаш досега не се случило вакво нешто во Лејкленд“, рече тој.
Тејлор наведува дека пукањето се случило околу 3 часот и 45 минути попладне и дека пукотниците биле испукани од сите четири прозорци на бавно движениот автомобил Нисан. Сведоците го опишаа автомобилот како темно сина.
