Можеби знаете дека Том Круз е најплатениот актер во светот, но можете ли да погодите колку пари заработува по изговорен збор?
Она што е интересно за Том Круз е тоа што глумеше во некои од најпознатите филмови во децениите зад нас, но и денес е меѓу најбараните актери кои ги полнат кината со секој нов филм.
Својот главен пробив во светот на мегаѕвездите го направи со филмот „Топ Ган“, чие продолжение со наслов „Топ Ган: Маверик“ го видовме минатата година и кој покажа дека некои продолженија можат да бидат одлични филмови.
Секако, тука е и франшизата „Невозможна мисија“ за време на која Круз постојано не воодушевува со нови акциони секвенци и ризични потези.
Кога станува збор за заработката, веб-страницата Casumo проценува дека Круз заработува 7.091 долари по изговорен збор или 205.639 долари за 10 секунди дијалог.
На второто и третото место на оваа листа се Курт Расел со 5.682 по збор и Џони Деп со 4.877 долари по изговорен збор.
Камерон Дијаз, која сега е во пензија, ги предводи жените со 4.637 долари по изговорен збор, пред се благодарение на филмот „Bad Teacher“.
Она што е интересно е што тука не е вклучен филмот „Top Gun: Maverick“, па се верува дека Том Круз „заостанал“ по заработката од своите колеги.
