Војната во Украина влезе во 270-от ден. Претседателот Зеленски потврди дека Русите користеле повеќе од 4.700 проектили во Украина од почетокот на војната.
Во близина на Мелитопоље одекнале три експлозии
Полска и Финска ветија дека ќе продолжат да испраќаат помош за Украина
Русите истрелаа речиси 400 проектили кон нас на исток, тврди Зеленски
Следете го текот на настаните подолу:
07:45 Британското Министерство за одбрана објави нов извештај за војната во Украина: „Во последните седум дена продолжија интензивните артилериски битки околу секторот Сватов во областа Луганск во североисточна Украина. Како и во другите делови на линијата на фронтот Руските сили и понатаму даваат приоритет на изградбата на одбранбени позиции, кои секако делумно се пополнети со слабо обучени мобилизирани резервисти“.
07:10 Претседателот на Украина, Володимир Зеленски, во неделата навечер изјави дека руската артилерија ги напаѓа украинските војници и дека само тој ден истрелала речиси 400 различни проектили на истокот на земјата.
06:55 Три експлозии одекнаа во близина на привремено окупираниот град Мелитопол во регионот Запорожје, јавува украинската новинска агенција Укринформ. Градоначалникот на Мелитопол, Иван Федоров, на Телеграм напиша: „Во областа Мелитопол е гласно. Се слушнаа три силни експлозии северно од Мелитопол – во областа на привремено окупираното село Веселе, во близина на железничката станица.
06:50 Премиерите на Полска и Финска, Матеуш Моравјецки и Сана Марин на заедничката прес-конференција во неделата во Хелсинки изјавија дека ќе продолжат да ја обезбедуваат сета потребна помош на Украина во спротивставувањето на руската агресија.
Марин истакна дека Полска прави многу за да и помогне на Украина и бегалците кои бегаат од војната. Таа додаде дека „и Финска го прави својот дел“, особено со неодамнешната одлука за воена помош вредна 55 милиони евра.
06:50 Во неделата, украинскиот претседател Зеленски за време на обраќањето пред членовите на Меѓународната организација на Франкофонијата рече дека Русија истрелала повеќе од 4.700 проектили кон Украина од почетокот на војната.
