Синоќа недалеку од едно игралиштето во Бор, две кучиња од расата питбул ја нападнале Тамара Новаковиќ од овој град.
Слушајќи го лаењето на своите миленици, таа излегла надвор да види што се случува. Таа забележала кучиња кои слободно трчаат низ оваа област без поводник.
– Излегов да ги замолам да им ги врзат кучињата. Пријдов до кучињата на нежен начин. Ги повикав кучињата со свиреж и тапкав по коленото да дојдат бидејќи знам да работам со кучиња. Никогаш не се посомневав за момент дека се упатија кон мене да ме нападнат – истакна Тамара.
Кучињата набрзо ја собориле на земја и таа не можела да се одбрани.
– Го покрив лицето, а тие ме кинеа во пределот на горниот дел од главата. Не можам да ја објаснам силата на каснувањето – рече Тамара. За среќа, на помош дошле сопругот на Тамара и нејзината мајка.
– Едвај ги одвлекоа од неа. Тоа беа страшни сцени. Не знам како да ви опишам, кога мајката треба да гледа како нејзиното дете го растргнуваат кучињата – изјавила мајката на Тамара, Јасмина Донерт.
На Тамара и се санирани повредите, но душевните болки заедно со претрпениот шок не стивнуваат. Поради што ги осудува несовесните сопственици. Од секторот за инспекциски работи велат дека санкциите за ваквите лица се јасни.
– Пропишани се казни и распишани се прекршочни пријави. Казната е 10.000 динари. Доколку постои опасност да се повтори опасноста или ако кучето е несоодветно чувано, постои можност ветеринарната инспекција да го земе кучето од сопственикот – изјави Драган Штрбац, раководител на Секторот за инспекциски работи ГУ Бор.
Според полицијата, сопствениците на кучињата се уапсени поради општа опасност, но нападнатата жена ќе поведе и приватна тужба за доброто на целото општество.
