Во вторникот тркало тешко околу сто килограми падна од Боинг Дримлифтер во Италија за време на полетувањето.Недолго по полетувањето на товарниот авион тежок 180 тони, едно од тркалата паднало. Бразилскиот авијациски блог Aeroin го снимил моментот кога тркало тешко околу сто килограми паднало на земја.
Тоа е товарен авион Боинг Дримлифтер, најдолгиот товарен авион во светот. И покрај дефектот, авионот безбедно слетал во САД, јавува Дневник.хр.
Лабавото тркало паднало на земја со трага од чад веднаш по полетувањето од аеродромот Таранто во Италија.
Гумата на тркалата, со дијаметар од повеќе од еден метар, се вртеше по асфалтот додека авионот продолжи да се крева во воздух. Тркалото подоцна било пронајдено во блиското лозје надвор од аеродромот.
Летот во вторникот беше управуван од американската карго авиокомпанија Atlas Air и беше на пат за Чарлстон, Јужна Каролина. Тој беше кодиран како летот на Atlas Air N718BA.
Најавена е истрага
„Таварниот лет Dreamlifter управуван од Atlas Air безбедно слета на меѓународниот аеродром во Чарлстон откако изгуби тркало од опремата за слетување при полетувањето од аеродромот Таранто-Гротаље во Италија“, соопшти Боинг.
Тие најавуваат истрага за овој инцидент.
Во авионот се наоѓал трупот на патнички авион Боинг 787, јавуваат италијанските медиуми.
Масивниот 747-400 Dreamlifter беше дизајниран за транспорт на делови и голем товар помеѓу Италија, Јапонија и САД, а исто така се користеше и за транспорт на медицински материјали за време на пандемијата на Ковид.
Инспекторите од Националната агенција за безбедност на летови (ANSV) отворија официјална истрага за инцидентот.
