Цените на угостителските услуги во септември 2025 година во однос на истиот месец од претходната година се зголемени за 4,7%, но на месечно ниво тие не се променети во однос на август годинава

Цените на угостителските услуги во септември 2025 година во однос на истиот месец од претходната година се зголемени за 4,7%, но на месечно ниво тие не се променети во однос на август годинава, покажуваат податоците на Државниот завод за статистика.

Цените на угостителските услуги во периодот јануари – септември 2025 година во однос на истиот период од минатата година се зголемени за 5,2 %.

За една година угостителите најмногу поскапеле алкохолот за 9,1%, потоа храната за 7,5%  и безалкохолните пијалаци за 6,1%, но затоа пак ги намалиле цените на ноќевањата за 6,5%.

- Advertisement -

Во однос на август, пак, цените во угостителството, по групи во септември  се зголемени кај групата безалкохолни пијалаци за 0,1 %, додека кај групите храна, алкохолни  пијалаци и ноќевања не се забележани промени.