Холивудската актерка Софија Вергара ја официјализираше врската со хирургот, д-р Џастин Салиман, бидејќи во неколку наврати беа фотографирани заедно.
Вергара му се заблагодари што се грижел за неа по операцијата на коленото. Имено, актерката ги сподели фотографиите на својата инстаграм-приказна со хумористична порака.
„Доколку имате голема операција на коленото, погрижете се да имате згоден лекар кој спие покрај вас таа вечер. Те сакам“, напиша Вергара.
На фотографиите се гледа како нејзиниот партнер стои до нејзиниот кревет и се насмевнува.
Вергара сподели фотографија на која лежи додека се опоравува од операцијата.
Актерката од „Гризелда“ минатата есен ги оспори гласините за врска со Салиман, три месеци откако таа и поранешниот сопруг Џо Манганиело се разделија по седум години брак.
Парот за првпат беше фотографиран заедно во октомври, кога излегоа на вечера во италијански ресторан во Беверли Хилс.
Салиман претходно беше 10 години во брак со актерката Бри Тарнер, со која има две деца. Тие се разведоа во 2018 година.
