Манекенката Жизел Бундхен и американскиот фудбалер Том Брејди, кои се венчаа во 2009 година, поминуваат низ тежок период и се соочуваат со брачни проблеми.
– Тие двајца во моментот живеат одвоено – изјавил за „Си-ен-ен“ извор близок на манекенката.
– Брејди се повлече од НФЛ во февруари, за подоцна да ја смени таа одлука. Тој зеде 11 дена одмор од тренингот во кампот во август за да се позанимава со личните работи – рекол главниот тренер Тод Боулс.
Во интервју за списанието „Ел“ објавено оваа недела, Жизел рекла дека е загрижена поради враќањето на нејзиниот сопруг на теренот откако тој првично се пензионираше минатата зима.
– Ова е многу насилен спорт, а јас имам свои деца и би сакала тој да биде поприсутен. Цело време ги имав овие разговори со него. Но, на крајот, мислам дека секој треба да донесе одлука што му одговара. И тој треба да си ја следи среќата – рекла тогаш таа.
Во вторникот во неговиот „Let’s go!“ подкаст со ко-водителот Џим Греј, Брејди истакнал дека децениите играње во НФЛ имаа влијание врз неговите приоритети.
