Германската влада формираше холдинг компанија за да ја изврши евентуалната национализација на Гаспром Германија, енергетскиот бизнис од кој рускиот Гаспром излезе во април, објави во неделата германскиот весник Велт ам Зонтаг, цитирајќи владин документ.
Во април германскиот енергетски регулатор објави дека ќе управува со Гаспром Германија (трговија, складирање и пренос) во интерес на Германија и Европа.
Нов холдинг наречен „Securing Energy for Europe Holding GmbH“ (SEEHG) е одговорен за инвестициите на компанијата, објави весникот, наведувајќи дека директори се двајца адвокати од адвокатската канцеларија „CMS Hasche Sigle“, од која одбија да коментираат за извештајот, наведувајќи ги обврските за доверливост.
Германското Министерство за економија соопшти дека знае за холдинг-компанијата и дека нејзиното основање е превентивен чекор за какви било мерки за реструктуирање.
„Тоа е мерка на претпазливост која во моментов постои само како обвивка на корпоративното право“, изјави портпаролот на Министерството за „Велт ам Зонтаг“.
