Холивудската ѕвезда Роберт Дауни помладиот наводно му помогнал на актерот Арми Хамер да оди на рехабилитација.
Според извори кои зборуваат за „Венити фер“, холивудската суперѕвезда го финансирала речиси шестмесечниот престој на Хамер во центар за рехабилитација во Флорида.
Според овој медиум, Хамер сега живее со семејството во куќа во Лос Анџелес, која е во сопственост на Дауни помладиот.
Информацијата доаѓа откако во некои медиуми минатата недела беше објавено дека Хамер наводно работи како продавач на тајм шер во хотелско одморалиште на Кајманските острови за да го издржува своето семејство.
Во јануари 2021 година, прво се појавија обвинувањата против Хамер, што го натера да се откаже од филмот „Shotgun Wedding“ со Џенифер Лопез, а еден месец подоцна го напуштија и неговиот агент и публицист.
Хамер подоцна беше обвинет за силување и се повлече од понатамошни проекти. Беше објавено дека Хамер се пријавил на рехабилитација во јуни 2021 година за да побара помош за „проблеми со дрога, алкохол и секс“.
Тврдењето за силување следуваа по наводите на социјалните мрежи од страна на неколку жени кои го обвинија актерот за емоционално и физичко малтретирање и рекоа дека споделува насилни сексуални фантазии.
Актерот ги отфрли обвинувањата, а неговиот адвокат рече: „Со вистината на негова страна, г-дин Хамер ја поздравува можноста да ја исправи неговата репутација. Од првиот ден, г-дин Хамер тврди дека сите негови интеракции со (наводните жртва) – и секој друг од неговите сексуални партнери – беа целосно консензуални“, пишува НМЕ.
ФОТО: Инстаграм
