На 20.04.2023 во 19.15 часот, полициски службеници од Единицата за недозволена трговија при СВР Скопје го лишиле од слобода П.К.(22) од Скопје. При претрес во неговиот дом на подрачјето на Карпош, извршен со судска наредба, била пронајдена и одземена марихуана. Тој бил задржан во полициска станица и по целосно документирање на случајот против него ќе биде поднесена соодветна пријава.
