Пожарникарите од Темерин и Нови Сад заеднички го изгаснаа пожарот што избувна синоќа околу еден часот по полноќ во магацинот на електрични материјали во Темерин. Немаше повредени.
По избувнувањето на пожарот на улицата Новосадска дошло и до експлозија, јавува порталот 021.рс.
Според РТС, гореле 450 квадратни метри магацински простор, како и работилница каде имало буре со нафта кое експлодирало и два автомобили.
На терен беа 14 пожарникари со осум возила. Материјалната штета на објектот била голема, но брзата интервенција на пожарникарите спречила пожарот да се прошири на околните куќи кои се наоѓаат на само 50 метри од магацинот.
На местото на пожарот дежураат две противпожарни возила.