Потврдено е дека млада жена со ирско-израелско потекло била убиена на музички фестивал нападнат од милитантите на Хамас во саботата, изјави денеска ирскиот премиер Лео Варадкар.
Ким Дамти исчезна откако последен пат беше видена на фестивалот Нова во близина на Реим, недалеку од границата меѓу Израел и Газа. „Како нација, ние сме обединети во жалоста за Ким Дамти. Оваа млада Ирско-Израелка беше убиена во цутот, го имаше целиот живот пред себе“, рече Варадкар во објава на X, поранешен Твитер.
„Таа беше убиена од проклети терористи“
Во објава на Фејсбук, нејзината сестра Лаура рече: „Семејството го загуби нашиот ангел, нашиот цвет… убиен од проклетите терористи“.
Израелските спасувачи соопштија дека на местото на фестивалот биле пронајдени најмалку 260 тела. Некои од учесниците беа земени како заложници, што може да се види од видеата објавени на социјалните мрежи.
