More

    Словачкиот премиер останува на интензивна нега во Банска Бистрица

    spot_img

    Словачкиот премиер Роберт Фицо е надвор од животна опасност, но останува на интензивна нега четири дена откако беше застрелан од вооружен маж, изјави заменик-премиерот на земјата, пишува „Гардијан“.

    – Тој сега е надвор од непосредната закана за неговиот живот, но неговата состојба и понатаму е сериозна и му треба интензивна нега – им рече на новинарите Роберт Калинак, најблискиот политички сојузник на Фицо и додаде:

    – Можеме да сметаме дека неговата состојба е стабилна со позитивна прогноза. Сите ние сега се чувствуваме малку порелаксирано.

    Калинак рече дека Фицо засега ќе остане во болницата во Банска Бистрица, додавајќи дека неговата состојба е сè уште премногу сериозна за да може да биде префрлен во болница во главниот град Братислава.

    Фицо (59) беше застрелан во средата додека одеше да ги поздрави поддржувачите по состанокот на владата во централниот рударски град Хандлова.

    Калинак претходно изјави дека Фицо се здобил со четири прострелни рани, две лесни, една умерена и една тешка.

    Словачкиот министер за внатрешни работи, Матуш Шутај-Ешток, рече дека ако еден од истрелите „претела само неколку сантиметри погоре, ќе го погодеше црниот дроб на премиерот“.

    Фицо во средата имаше петчасовна операција, а во петокот втора операција.

    Осомничениот вооружен напаѓач, идентификуван од словачките медиуми како 71-годишниот поранешен бодигард и поет аматер Јурај Цинтула, е обвинет за обид за убиство со умисла и во саботата беше ставен во притвор од специјалниот кривичен суд.

    Специјализираниот кривичен суд на Словачка нареди притвор на осомничениот откако обвинителите рекоа дека стравуваат дека тој може да побегне или да изврши дополнителни злосторства, рече портпаролот на судот.

    Против наредбата осомничениот може да поднесе жалба до врховниот суд на Словачка.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img