По пет неуспешни обиди во изминатите три дена, за претседател на бугарскиот Парламент денеска беше избран Вежди Рашидов од пратеничката група на ГЕРБ-СДС. „За“ беа 139, „против“ – 73, а воздржани беа 27 пратеници.
Тој беше предложен од четири пратенички групи – ГЕРБ-СДС, ДПС, „БСП за Бугарија“ и од „Бугарски подем“. Кандидатурата на најстариот пратеник во овој парламент ја најави лидерката на левицата Корнелија Нинова.
За Цвета Рангелова од „Преродба“ гласаа 29 пратеници, 71 против, а 137 беа воздржани, јави БТА.
