Додека светот гледа како најбогатиот човек и нов газда на Твитер ги преполовува вработените во фирмата отпуштајќи стотици луѓе, Илон Маск на својот Твитер-профил направи мала шега. Тој под својата слика напиша дека е „жешка линија за поплаки на твитер“.
Хуморот на Маск не ги разубеди големиот број на корисници кои се бунат поради најавата дека ќе се плаќа 8 долари месечно за да се докаже веродостојноста на секој профил. Со оваа мерка Маск планира да се бори против многуте спам-профили.
За да го покажат својот бунт луѓето покрај својата профилна сликичка ставаат слика од стаорец наместо сино-белиот знак кој ја докажува автентичноста на корисникот.
Вчера, Илон Маск постираше стрип во кој објаснува дека и без претплата од 8 долари ќе може да се поседува профил, но „без привилегиите“. Останува да видиме која ќе биде разликата и што точно ќе предвидува оваа мерка.