Во болница во Лондон почина 14-годишното момче кое беше меѓу петмината повредени кои изутрината беа нападнати од маж со мачета во источниот дел на градот, објави Би-би-си.
Ова го соопшти полицијата која го уапсила напаѓачот и засега ја отфрли можноста да станува збор за терористички чин.
Еден сведок изјави дека напаѓачот неколкупати ја прашувал полицијата: „Верувате ли во Господ?“
Останатите четворица повредени, од кои двајца полицајци, не се во животна опасност, а во болница останале само двајца.
Полицијата била повикана во североисточниот дел на Лондон околу 7.00 часот, каде што граѓаните пријавиле напад и набргу уапсила 36-годишен маж со мачета, кој очигледно дејствувал сам.
Британскиот премиер, Риши Сунак, го осуди нападот.
