Руските сили „водат бескомпромисна борба против сатанистите“, „украинските градови треба да бидат избришани од лицето на земјата“, а „патриоти од различни делови на нашата огромна татковина“ продолжуваат да пристигнуваат во Чеченија за „да станат членови на тесно поврзано семејство“.
Ова го напиша чеченскиот лидер Рамзан Кадиров на мрежата Телеграм. Тој не е задоволен од текот на војната.
– Мислам дека нашиот одговор е слаб. Мораме да им дадеме да разберат дека не смеат ниту да размислуваат за напад на наша страна – додаде чеченскиот лидер.
Кадиров ја нарече руската инвазија на Украина „џихад“ додавајќи дека чеченските команданти „одат само на напади“.
