Енергетскиот сектор се менува брзо – обликуван од нестабилни цени, растечки регулаторни барања и итна зелена транзиција. Во овој еволутивен пејзаж, компаниите кои комбинираат увид на пазарот со иновации се во најдобра позиција да водат.
Една таква компанија е ЕДС, дел од PPC Group, најголемата енергетска група во Југоисточна Европа, која освен во земјава, има свои операции и во Грција, Бугарија, Италија, Хрватска и Романија. PPC Group носи инфраструктура, искуство и долгорочна визија – додека ЕДС ја прилагодува таа сила на потребите на локалните пазари и бизниси.
„Во таков динамичен простор, снабдувачите на енергија мора да размислуваат подалеку од традиционалната улога. Тие мора да им понудат на своите клиенти советодавна поддршка, паметни алатки и пакети прилагодени на реалните деловни потреби. Поминаа деновите кога клиентот беше само потрошувач – модерното време бара сопствено производство на обновливи извори, системи за складирање на енергија и оптимизација на сите енергетски активности. Услугите за оптимизација, како и советите за добро димензионирани фотоволтаични и системи за складирање обезбедуваат функционални инвестиции за клиентите – вели Златко Черепналкоски, раководител за стратегија и бизнис развој во ЕДС.
ЕДС веќе го применува овој пристап, особено со своето ново портфолио на пакети за снабдување за мали и средни претпријатија, кои ја комбинираат ценовната конкурентност со долгорочна стабилност.
– Новите пакети нудат решение за досегашното отсуство на предвидливоста на трошокот за електрична енергија. Имено, производот за годишно снабдување по фиксна цена е отсутен од регионалните берзи за електрична енергија уште од октомври/ноември 2021 година. Предвидливоста на цените на енергијата беше напуштена во предвечерието на големата енергетска и безбедносна криза која започна на почетокот на 2022 година. Но, и покрај фактот што тој производ уште го нема на берзите, ЕДС го обезбедува веќе втора година по ред преку високо флексибилни производи кои на нашите клиенти им обезбедува можност да фиксираат дел од својата потрошувачка по фиксни цени, а остатокот да го набават по спот пазарни цени. За малите и средни претпријатија пак нудиме целосен хеџинг на нивната потрошувачка за цела година со гарантирана и непроменлива цена на енергијата – додава Черепналкоски.
Друг значаен развој е растечката важност на зелената енергија за бизнисите. Воден и од пазарните очекувања и од регулативата, потребата за декарбонизација сега е императив за бизнисот.
ЕДС ја поддржува оваа транзиција преку издавање сертификати за зелена енергија, помагајќи им на клиентите да ги исполнат барањата на ЕУ за одржливост и да ги зголемат своите ЕСГ (еколошки, социјални и управувачки) оценки.
– Во наредните години, пристапот до зелена енергија не само што ќе биде убаво да се има, туку ќе стане неопходност и фундаментален параметар за ЕСГ известувањето (еколошки, социјални и добро корпоративно управување.Сеопфатното ЕСГ известување ќе биде одлучувачки фактор за обезбедување финансирање, привлекување клиенти и одржување на конкурентноста во сè посложена пазарна средина – вели Черепналкоски.
Гледајќи напред, иднината на пазарот на енергија ќе се потпира на дигитализацијата, флексибилноста и партнерството. Со растечката комплексност на системот и интеграцијата на обновливи извори, отпорноста станува подеднакво важна како и одржливоста.
