Лука Дончиќ одигра уште еден одличен натпревар за Далас. Сепак, неговите 37 поени и девет асистенции не беа доволни за Мавс да пружат сериозен отпор на Денвер Нагетс.
Тимот од Колорадо предводен од Никола Јокиќ кој во сезоната оствари 21 трипл дабл (97-ми во кариерата) убедливо славеше и покажа дека моментално е најдобрата екипа на Западот.
Јокиќ и Дончиќ, големите пријатели, по мечот имаа срдечна средба, а Лука на прес-конференцијата суперлативно зборуваше за двократниот МВП во низа.
„Има многу квалитетни тимови на Запад. Кога го имаш Јокиќ, тогаш имаш предност. Тешко е да се игра против него. Со Јокиќ во тимот, Денвер секако е фаворит. Секогаш“, изјави Дончиќ.
Во НБА има пауза поради ол-стар викендот, а Дончиќ и Јокиќ ќе бидат заедно во Јута, бидејќи и двајцата беа избрани во првата постава на Западот.
