Претседателот на бугарското национално движење на русофилите, Николај Малинов, во соработка со американскиот актер Стивен Сигал, во Москва го основа Меѓународното движење на русофилите, пишува денеска огранокот на бриселскиот портал EURACTIV во Бугарија.На основачкиот конгрес на движењето, што треба да се одржи утре, ќе присуствуваат министерот за надворешни работи на Русија Сергеј Лавров и Сигал, кој со години живее во Русија како специјален претставник за прашања од руско-американските хуманитарни односи. .
Портпаролката на Министерството за надворешни работи, Марија Захарова, потврди дека на конгресот, покрај Лавров, ќе присуствуваат и руски државни, политички и јавни личности, претставници на науката и културата, како и странски делегати од неколку десетици земји, пренесува ТАСС. .
Малинов во моментов е обвинет за шпионажа во Бугарија, а САД го санкционираа, според Меѓународниот акт Магнитски, затоа што тој наводно подмитил судија да му дозволи да патува во странство и да добие руска награда од претседателот Владимир Путин.
Во февруари, САД ги санкционираа и движењата „Русофили“ и „Русофили за преродба на татковината“, бидејќи Малинов директно или индиректно ги контролирал.
На основачкиот конгрес на новото движење утре ќе присуствува Константин Малофејев, претседател на одборот на директори на медиумската групација Карград, која е посветена на руското православие и го поддржува Путин.
Малинов тврди дека Путин, со кого се сретнал на 4 ноември 2019 година, уште тогаш ја поддржувал неговата идеја за Меѓународното движење на русофилите.
Целта на движењето ќе биде да собере „вистински патриоти“ од различни земји кои ги обединува љубовта кон Русија и нејзината култура и кои се стремат кон мултиполарен свет заснован на традициите на народот, се вели во една од публикациите на Малофе.
Организацијата има намера да формира европска граѓанска иницијатива за укинување на санкциите на ЕУ против Русија и одржување настани поврзани со историјата и антифашистичката борба, изјави Малинов на руската телевизија.
На 27 февруари, Малинов во програмата „Големата игра“ на рускиот телевизиски канал Перви рече дека оние кои ја прогласуваат Русија за агресор се „варвари, русофоби и модерни фашисти“.
Додека Малинов зборуваше, беа емитувани видеа од Бугарија, на кои се гледаат неговите истомисленици како носат маици на кои пишува „Путин е наш претседател“, го симнуваат знамето на Европската унија и го фрлаат на подот.
