Две лица загинаа, а едно е рането во престрелка во Брисел, изјави за новинарите во понеделникот портпаролот на белгискиот федерален обвинител.Тој рече дека нема докази дека сторителот, кој се уште е во бегство, на кој било начин е поврзан со ситуацијата во Израел и на Блискиот Исток.
Нападот се случил неколку часа пред почетокот на квалификацискиот натпревар за ЕУРО 2024 меѓу Белгија и Шведска, а двете убиени лица се шведски државјани.
Напаѓачот неутрализиран
Според белгиските медиуми, напаѓачот бил „неутрализиран од полицијата при апсењето“. Информацијата се уште не е официјално потврдена.
Доаѓаат нови детали за напаѓачот во Брисел:
Се нарекува воин на патот кон Алах.Напаѓачот е идентификуван како Абдеселам Л (45) од Шаербек, по потекло од Тунис. Тој поднел барање за азил во 2019 година, но неговото барање било одбиено. Потоа му беше наредено да ја напушти територијата.
Како што пишува РТБФ, напаѓачот на полицијата и е познат по трговија со луѓе, илегален престој и загрозување на државната безбедност.
Тој се нарекува и Слајем С., а синоќа во моментот на нападот на социјалните мрежи објави видео на кое на арапски вели дека „убил“ „тројца Швеѓани“. Понатаму, 45-годишниот Тунижанец себеси се нарекува „воин на патот кон Алах“, пренесува холандскиот HNL.
