Актерката Ширли Ен Филд почина на 88-годишна возраст, потврди нејзиното семејство.
Ширли Ен Филд беше ѕвезда на сцената и големиот екран, а се прослави во 1960-тите со улогата во „Забавувачот“ (The Entertainer) покрај Лоренс Оливие.
Потоа, глумеше во „Алфи“ (Alfie) и „Сабота вечер и сабота наутро“ (Saturday Night And Saturday Morning).
Семејството објави: „Со голема тага ја споделуваме веста дека Ширли Ен Филд почина мирно во недела, 10 декември 2023 година, опкружена со семејството и пријателите“.
Во објавата семејството додаде: „Ширли Ен многу ќе ни недостига и ќе биде запаметена по нејзиниот нескротлив дух и неверојатното наследство кое опфаќа повеќе од пет децении на сцената и екранот“.
Таа е родена во Форест Гејт, Њухам, на 27 јуни 1936 година, а стана позната како Ширлејн Брумсфилд.
Таа првично имаше кариера како модел во 1950-тите, а дури подоцна се преорентира кон актерството, појавувајќи се во комедијата „Loser Takes All“ од 1956 година.
Потоа следеше мјузиклот „It’s A Wonderful World“, а потоа и улогата по која се прослави Тина Лапфорд во The Entertainer.
Таа улога со Лоренс Оливие ѝ донесе публицитет неопходен за да добие различни улоги во филмови, серии и сценски продукции.
Во истата деценија, таа ја толкува девојката на Алберт Фини во „Сабота навечер и сабота наутро“.
Меѓу другите улоги, се издвојуваат оние во филмот „The War Lover“ од 1962 година, со Стив Меквин и Роберт Вагнер, како и онаа во филмот „My Beautiful Laundrette“ со Даниел Деј Луис.
Нејзините неодамнешни проекти беа „Doctors“, „Last Of The Summer Wine“, „The Bill“ и „Dalziel And Pascoe“.
