WhatsApp наскоро ќе престане да работи на некои постари iPhone-и.Поконкретно, како што пишува WABetaInfo, WhatsApp планира „да ја прекине поддршката за некои верзии на iOS во следните неколку месеци: iOS 10 и iOS 11“, и додаде дека точниот датум е 24 октомври.
Корисниците на овие верзии на оперативниот систем iOS ќе треба да се префрлат на iOS 12, а истото ќе треба да го направат и сопствениците на iPhone 5S, iPhone 6 и iPhone 6S.
Сепак, моделите iPhone 5 и iPhone 5C не се компатибилни со iOS 12, што значи дека по 24 октомври нивните сопственици воопшто нема да можат да користат WhatsApp.
Веста за WhatsApp дојде непосредно пред претставувањето на новите уреди на Apple. Настанот на Apple започна денеска во 19 часот, а се шпекулираше дека ќе биде претставен и iPhone 14 кој би требало да доаѓа во четири различни модели – iPhone 14, iPhone 14 Max, iPhone 14 Pro и iPhone 14 Pro Max.
