Венецуелскиот претседател Николас Мадуро изјави во вторникот дека неговата земја го поддржува рускиот претседател Владимир Путин во кризата во Украина.
„Венецуела е со Путин, таа е со Русија. Таа е со храбрите и праведни работи во светот“, рече претседателот Мадуро на телевизија за време на владина седница откако рускиот парламент даде зелено светло за воена операција во Украина во вторникот.Стравот од воена ескалација во Украина е на својот врв откако Путин во понеделникот ја призна независноста на сецесионистичките ентитети Луганск и Доњецк во источна Украина. Мадуро потсети дека неговиот претходник и ментор Хуго Чавез ја поддржал Русија кога ја признала независноста на Јужна Осетија во 2008 година за време на конфликтот со Грузија.Мадуро изјави дека САД и НАТО имаат намера да ја затворат Русија со воени средства.Рускиот вицепремиер Јуриј Борисов, кој беше во Каракас во петокот, истакна дека Венецуела е „стратешки партнер на Русија во оваа ситуација на растечка нестабилност“.Во контекст на кризата во Украина, рускиот заменик министер за надворешни работи Сергеј Рјабков не ја исклучи можноста за распоредување на руската војска во Венецуела и Куба.Москва е еден од главните сојузници на претседателот Николас Мадуро, чиј реизбор во 2018 година не призна дел од меѓународната заедница, особено САД, кои се обидуваат да го соборат.
