„Го имам ова чувство кога читам, слушам и гледам во нивните очи кога велат: „Ние секогаш ќе бидеме со вас“. Но, гледам дека тој или таа не е тука, не се со нас“.
Вака изјави украинскиот претседател Володимир Зеленски во интервју за британскиот магазин Економист.
Украинскиот претседател вели дека не сака да размислува за долга војна, а камоли да зборува за можноста за Украинците, од кои многумина сè уште сонуваат за брза победа. Но, токму за тоа се подготвува.
– Морам да бидам подготвен, мојот тим треба да биде подготвен за долга војна и емотивно сум подготвен – вели тој.
И покрај бавниот напредок во контраофанзивата, Западот мора да ја задржи својата поддршка за Украина, смета Зеленски, според кого „ова е лош момент за дипломатија“.
