Агенцијата на Обединетите нации за помош и работа за палестинските бегалци (УНРВА) соопшти дека ќе ги затвори своите канцеларии во источен Ерусалим откако „израелските екстремисти“ ја запалија областа околу седиштето на организацијата.
„Израелците синоќа двапати го запалија периметарот на седиштето на УНРВА во окупираниот Источен Ерусалим“, додека внатре „имаше персонал од таа агенција и други агенции на ОН“, изјави шефот на УНРВА Филипе Лазарини на мрежата Х.
Тој додаде дека никој од персоналот на ОН не е повреден.
„Донесов одлука да го затворам комплексот додека не се воспостави соодветна безбедност“, рече шефот на УНРВА, осудувајќи го вториот инцидент за помалку од една недела на „израелските екстремисти“.
