Тифани Трамп (29), ќерката на поранешниот претседател на САД, Доналд Трамп, се омажи за милијардерот со либанско потекло, Мајкл Булос.
Таткото ја придружувал својата ќерка до олтарот, поставен во паркот на вилата Мар-а-Лаго.
Нејзината мајка е Марла Мејплс, втората сопруга на Трамп со која бил во брак од 1993 до 1999 година.
Трамп вечерта на мелодијата на „Странци во ноќта“ на Френк Синатра нежно танцувал со сегашната сопруга Меланија, на која ѝ шепотел на уво и ја бакнувал.
На веселбата присуствувале сите деца на Трамп, Доналд Трамп Џуниор, Ерик, Барон и сестрата на Тифани, Иванка Трамп.
За оваа прилика, Иванка избра дводелен комплет украсен со сребрени кристали и уникатни чевли, додека Меланија блесна во златна креација.
