Тажна вест пристигнува од Хрватска.
Денеска почина помладиот каратист Ника Бркиќ, соопшти Хрватскиот карате сојуз.
„Зборовите тешко можат да ја искажат болката што ја чувствуваме поради загубата на нашата сакана Ника Бркиќ. Ника не беше само врвен каратист туку и личност која ширеше позитивна енергија околу себе. Ќе ја паметиме по посветеноста на спортот и нејзиното големо срце. Нека нејзината душа најде мир, а семејството и пријателите нека најдат сила во заедништвото. Нашите мисли се со вас во ова тешко време на загуба. Почивај во мир драга Ника“, објави ХКС на својот Фејсбук профил.
Ника има постигнато многу успеси во кариерата. Таа лани освои злато во категоријата до 53 килограми, а ја држеше и титулата хрватски вицешампион.
