Возач на теренец БМВ синоќа удрил во тераса на паб во Австралија при што загинале пет лица. Шест лица се повредени, меѓу кои и 60-годишниот возач на БМВ, пишува АП.
Момче, двајца мажи на 30-годишна возраст и жена на 40-годишна возраст загинале на лице место. Тинејџерката била пренесена во болница во Мелбурн каде починала вчера вечерта, пренесува Индекс.
Возачот не бил пијан
Возачот на луксузен автомобил е пренесен во болница по несреќата во преполниот паб на хотелот Ројал Дејлсфорд во руралниот град Дејлсфорд, северозападно од Мелбурн, соопшти полицијата.
„Возачот претрпе шок и полесни повреди и останува под полициска стража“, рече началникот на полицијата во Викторија, Шејн Патон. Полициските истражители се обидуваат да утврдат како автомобилот поминал преку работ и удрил во терасата на паб покрај патот.
Алкотестот на возачот бил негативен, а крвта му била анализирана на други материи во телото, извести полицијата.
