Легендарниот Роџер Федерер неодамна објави официјален крај на својата величествена кариера, но тоа што повеќе нема да го гледаме на турнирите не значи дека паднал од очите на јавноста.
Згора на тоа, волшебникот од Базел веројатно уште долго, ако не и засекогаш ќе ги интересира медиумите, а особено неговите и тениските фанови.
Така на Твитер се појави фотографија од 1998 година, кога Федерер имаше 17 години. Тоа е во собата на неговиот дом во Базел, на ѕидовите се поставени плакати на Мајкл Џордан и Памела Андерсон, како и знамето на Северна Македонија.
Како и зошто младиот Швајцарец го имал северномакедонското знаме не е познато, но сосема е јасно дека по оваа фотографија во срцето на Балканот, тој ќе добие уште повеќе поддржувачи.
