Соединетите Американски Држави (САД) соборија четири беспилотни летала над областа на Јемен под контрола на бунтовниците Хути, соопшти синоќа американската воена команда на Блискиот Исток.
„Американските сили уништија четири беспилотни летала кои претставуваа непосредна закана за американските, коалиционите и трговските бродови во регионот“, се вели во соопштението на мрежата X.
Еден коалициски брод успеал да пресретне противбродска ракета лансирана од областа контролирана од јеменските бунтовници кон Аденскиот залив, додаваат истите извори.
Во операциите нема жртви.
