„Што ќе сторат со Украина? Ќе ја внесат во ЕУ? Прво, тоа не е реално. Второ, се работи за претсобје за депресија. Тоа не е претсобје за интеграција, туку претсобје за депресија. А, ние знаеме дека е тоа така. Знаете, (на форумот) во Солун, кога Димитар сè уште имаше коса беше речено дека ќе станеме членки на ЕУ. Тоа се случи дури и пред јас да ја изгубам својата коса. Така што, еве сме. Двајцата ќелави. Затоа што ние верувавме во тие глупости. Тоа што нам ни треба е да бидеме реални, да бидеме искрени, отворени и да бидеме и директни“.
Вака изјави албанскиот претседател Еди Рама на панел-дискусијата за Западен Балкан во рамки на Глобалниот форум за безбедност во Братислава.
Присутните се засмеаја. Претходно, тие исто така се смееја кога Рама иронично го спореди влезот во ЕУ со свадба.
