Вероника Мона Богиќ е родена во 2004 г. во Белград. Завршила основно музичко образование, а потоа и средно музичко образование во класата на професорката Ана Илијоска Богиќ. Моментално е студент на ФМУ во Белград во класата на проф. Маја Јокановиќ.
Добитничка е на бројни први награди на меѓународни натпревари меѓу кои: Лауреат на натпреварот „Arthur Grumiaux 2015“, (Намур, Белгија); Лауреат и апсолутен победник во сите категории на натпреварот „Охридски бисер“ 2016 г. (Охрид, Македонија); лауреат на натпреварот „Антонио Салиери“ 2019 г. (Ленјаго, Италија); награда за виртуозност „Гузепе Мањани“ и две специјални награди за впечатливи и темпераментни изведби на „Родолфо Липицер“ 2023 година, (Гориција, Италија); награда на здружението „Византија“ за исклучителни заложби во областа на уметноста; Доситеева награда за постигнати резултати на натпревари, како и многу други.
На 11-годишна возраст ја започнува својата прва турнеја на самостојни концерти, кои се изведуваат во Белград, Чачак, Ваљево, Мостар, Сплит, Макарска, Трст, Копер, Пиран, Изола, Сежана, Нова Горица итн., а оттогаш настапувала и во Франција, Белгија, Италија, Швајцарија, Австрија, Украина, Словенија, Хрватска, Македонија, Босна и Херцеговина, Црна Гора, и други земји. Настапила како солист со оркестрите: „Душан Сковран“; Симфонискиот оркестар на РТС; камерниот оркестар во рамките на фестивалот „Conques La Lumiere du Roman“ во Франција; камерниот оркестар „Јаначек“ од Чешка; оркестрите на АртЛинк и на Академијата Мастер Арт; како и Камерниот оркестар на Зрењанин.
Од 2021 година е стипендист на Фондацијата Добар Глас и имаше можност да учествува на мастеркласи со маестро Немања Радуловиќ, Стефани Фонтанарос и Ксенија Милошевиќ во Ечка, настапувајќи како солист со Камерниот оркестар на Зрењанин, а во 2022 година со Ансамблот на Немања Радуловиќ „Double Sense“ како и со Загрепски камерен оркестар во рамките на фестивалот „Maxima Musica“ во Загреб. Во октомври истата година настапува како солист на „Фестивал Љубљана“ во Словенија.
Снимала за ТВ Галакси, Н1, РТС, ТВ Копар, ТВ Котор, ХРТ, Радио Словенија.
Се усовршувала на мајсторски курсеви кај проф. Зоран Миленковиќ, Стефан Миленковиќ, Рено Каписон, Олег Каскив, Марко Јосифоски, Дора Шварцберг, Немања Радуловиќ, Тимур Мељник, Татјана Балашов, Игор Ткачук, Адријан Пинкару, Мичо Димитров, Драган Средојевиќ, Петер Ханке.
Слободанка Илијоска (1947–2015, Охрид), чиј раскошен талент – во комбинација со студиозен пристап, покажува висок степен на сликарско-технички и уметнички израз, учествувала на бројни ликовни колонии и колективни и самостојни изложби низ регионот. Одделни дела се дел на приватни колекции ширум светот. Во нејзините композиции, кои Маја Соле Насковски ги нарекува „митолошки прикази“, се откриваат – како што Крсте Чачански ќе каже „… многу емоции вкомпонирани во мистериозни ликови облеани со магична светлина на месечината и дека тоа е свет што не ја имитира реалноста туку е нејзина метаморфоза“.
Оваа постхумна самостојна изложба стреми на културната јавност да ѝ прикаже еден мал пресек токму од тој свет.
Изложбата ќе биде пропратена со звуците на Јохнес Брамс – Концерт за виолина во Де-дур, во изведба на реномираните Вероника Мона Богиќ – виолина и Рената Хил – пијано.
Рената Хил е родена 1967 г. во Сплит, каде завршила средно музичко училиште и матурирала во класата на проф. Олга Рачиќ со одлични резултати. Ја посетувала Академијата за уметности во Нови Сад, во класата на проф. Јокутон Михаиловиќ. Дипломирала со највисока оценка во класата на проф. Кемал Гекиќ во 1989 г., и запишала постдипломски студии кај истиот професор. На универзитетот Моцартеум во Салцбург се усовршувала во класата на проф. Карл-Хајнц Камерлинг – пијано и проф. Ерике Фризер – камерна музика.
Учествувала на студентски натпревари во поранешната СФРЈ и освоила бројни награди во категориите пијано и камерна музика.
Веќе во средно училиште почнала да се занимава со корепетиција и да ги придружува колегите на натпревари и концерти. Се вработила во ОУ „Изидор Бајиќ“ во Нови Сад како корепетитор на гудачкиот отсек и на тоа работно место работела до дипломирањето, по што добила постојано работно место на Академијата за уметности во Нови Сад како корепетитор со звање на стручен соработник.
Со виолончелистот И. Варга одржа низа концерти во Војводина, Белград, Скопје и Сплит. Свиреше во ансамблот за нова музика „Musica Viva“.
Како солист, корепетитор и камерен музичар настапуваше низ поранешната СФРЈ и снимаше за речиси сите нејзини РТВ центри.
Добитничка е на наградата за музичка младина на градот Сплит и стипендист на фондот Погорелиќ.
Учествувала на семинарите по пијано на проф. Арба Валдме – пијано и на семинарот за интерпретација на Lied кај проф. Конрад Рихтер и Дуња Вејзовиќ.
Започнала да работи на Музичката академија во Загреб како уметнички соработник во 1997 година на отсекот за пеење во класата на проф. Д. Вејзовиќ, М. Зидариќ, З. Жабчиќ, Ц. Хансел-Бакиќ – и на гудачкиот оддел во класата на проф. А. Крпан, С. Кузмин, Н. Ружевиќ, Г. Кончар, В. Фабрис, Б. Мартиниќ, Л. Сорокова, М. Ќепулиќ, М. Драушник.
Во изминатите 5 години беше официјален корепетитор на бројни меѓународни натпревари – Антонио Јанигро (Шибеник), Борис Папандопуло (Загреб), Сонус (Крижевци), Фрањо Крежма (Винковци), Далеки акорди (Каштела, Сплит), Млади виртуози. (Загреб).
Како уметнички соработник ги корепетира семинарите во Грожњан, Дубровник, Опатија, Радовљица, Сплит, Комижа.
На Музичката академија во Загреб редовно настапува на концерти на гудачи, како и на циклусот на композитори – јубилеи. Во изминатите пет години како уметнички соработник настапи на повеќе од 10 дипломски концерти.
Како уметнички соработник и камерен музичар настапувала во многу градови низ Хрватска.
Од 2020 година активно соработува со еуритмискиот ансамбл IONA, со кој настапуваше во Загреб, Чаковец, Љубљана, Ашафенбург, Штутгарт, Фрајбург, Дорнах.
Од 2018 година работи на Музичката академија во Загреб како уметнички советник.
